Kaputusan emka manjadi bahan ota di lapau Uwo Pulin. Ado nan sanang hatinyo, ado pulo nan taibo.
Bisa ditakok, nan bagadang hati tantulah nan mandukuang Jokowi. Sabaliaknyo, nan baibo hati tantulah nan salamo ko mandukuang Prabowo. Tapi ado pulo nan salamo ko mandukuang Prabowo, tibo-tibo se saolah-olah mandukuang Jokowi.
Namonyo se lapau, solo-manyolo, sorak-manyorak lah manjadi kabiasaan. Kalau indak bantuak itu, tantu sajo suasana lapau indak iduik.
“Den lah katoan sajak dulu, jan ditumpang biduak tirih,
” kato Udin Kuriak ka Angah Piyan.
“Kaputusan emka ko indak adil. Parcuma se saksi-saksi dari Papua jauah tu manyampaikan apo nan inyo katahui, inyo rasoan bagai, tapi indak manjadi patimbangan dek hakim,” baleh Angah.
“Iyo mah Ngah, jan ditumpang biduak tirih!” Semba Mak Pono.
“Andeh, Mak Pono lah sato lo. Dulu suaro Mamak nan paliang kareh mandukuang Prabowo, kini baa kok lah batuka haluan se,” capek-capek Angah mambaleh.
“Iko bukan batuka haluan Ngah. Wak den mancubo maagiah contoh demokrasi nan sabananyo,” baleh Mak Pono.
“Jadi demokrasi tu sarupo baliang-baliang ateh bukik yo Mak?” Potong Angah.
“Bukan Mak. Dalam demokrasi nan batua tu adolah maakui urang nan manang. Kalau indak juo awak akui kini, kamanga awak. Lah jaleh limo taun ka muko nan ka mamimpin negara ko Jokowi. Makonyo dalam pakaro iko paralu dipakai prinsip ‘sia laki amak awak, itulah apak awak’. Ijan bakaruak arang juo. Karano kaputusan lah final. Kan iyo bantuak itu ndak Tan!” Kecek Mak Pono mamintak pandapek ka Tan Baro.
“Iyo Mak. Sia laki amak awak, itulah apak awak. Ijan dilawan juo, kalau lah manjadi laki amak awak. Kok dilawan, durako namonyo,” baitu pandapek Tan Baro.
“Wak den tatap mandukuang nomor satu,” sorak Tacin Barain.
“Soal dukuang mandukuang di dalam pamilu itu indak masalah doh Cin, tapi kalau lah tapiliah salah surang, sarancaknyo awak dukuang. Kalau awak masih mambahas pabedaan dukuangan jo piliahan, den yakin negara ko indak ka bajalan sasuai harapan jo tujuan doh. Karano hari abih dek pakaro pabedaan dukuangan,” kato Mak Pono.
“Apo ka awak tinggaan se calon nan awak dukuang kapatang?” Tanyo Tacin.
“Buliah sajo awak tatap jo dukuangan samulo Cin, tapi nan pamarentah labiah paralu pulo awak dukuang. Bisuak kalau baliau mancalonkan diri baliak, yo awak dukuang lo liak. Ijankan awak, tim sukses atau bahkan mungkin Prabowo tu bana pasti sato lo mandukuang pamarentah. Nah, tantu sajo nan ka awak dukuang tu tantu program jo karajo pamarentah nan positif. Kalau karajo jo programnyo maabih nagari ko, harus basamo-samo lo awak malawan,” kecek Tan Baro.
“Kalau bantuak itu teorinyo, den sato mandukuang pamarentah Tan. Tadinyo den iyo batahan jo piliahan partamo, tapi sasudah mandanga kato Tan Baro tadi, bialah basamo-samo awak dukuang pamarentah baru. Sia laki amak awak, itulah apak awak. Tapi saandainyo kalua dari garih nan lah ado, basamo-samo pulo awak malawannyo,” kato Inyiak Kurai.
@kumpulanpadang
Bisa ditakok, nan bagadang hati tantulah nan mandukuang Jokowi. Sabaliaknyo, nan baibo hati tantulah nan salamo ko mandukuang Prabowo. Tapi ado pulo nan salamo ko mandukuang Prabowo, tibo-tibo se saolah-olah mandukuang Jokowi.
Namonyo se lapau, solo-manyolo, sorak-manyorak lah manjadi kabiasaan. Kalau indak bantuak itu, tantu sajo suasana lapau indak iduik.
“Den lah katoan sajak dulu, jan ditumpang biduak tirih,
” kato Udin Kuriak ka Angah Piyan.
“Kaputusan emka ko indak adil. Parcuma se saksi-saksi dari Papua jauah tu manyampaikan apo nan inyo katahui, inyo rasoan bagai, tapi indak manjadi patimbangan dek hakim,” baleh Angah.
“Iyo mah Ngah, jan ditumpang biduak tirih!” Semba Mak Pono.
“Andeh, Mak Pono lah sato lo. Dulu suaro Mamak nan paliang kareh mandukuang Prabowo, kini baa kok lah batuka haluan se,” capek-capek Angah mambaleh.
“Iko bukan batuka haluan Ngah. Wak den mancubo maagiah contoh demokrasi nan sabananyo,” baleh Mak Pono.
“Jadi demokrasi tu sarupo baliang-baliang ateh bukik yo Mak?” Potong Angah.
“Bukan Mak. Dalam demokrasi nan batua tu adolah maakui urang nan manang. Kalau indak juo awak akui kini, kamanga awak. Lah jaleh limo taun ka muko nan ka mamimpin negara ko Jokowi. Makonyo dalam pakaro iko paralu dipakai prinsip ‘sia laki amak awak, itulah apak awak’. Ijan bakaruak arang juo. Karano kaputusan lah final. Kan iyo bantuak itu ndak Tan!” Kecek Mak Pono mamintak pandapek ka Tan Baro.
“Iyo Mak. Sia laki amak awak, itulah apak awak. Ijan dilawan juo, kalau lah manjadi laki amak awak. Kok dilawan, durako namonyo,” baitu pandapek Tan Baro.
“Wak den tatap mandukuang nomor satu,” sorak Tacin Barain.
“Soal dukuang mandukuang di dalam pamilu itu indak masalah doh Cin, tapi kalau lah tapiliah salah surang, sarancaknyo awak dukuang. Kalau awak masih mambahas pabedaan dukuangan jo piliahan, den yakin negara ko indak ka bajalan sasuai harapan jo tujuan doh. Karano hari abih dek pakaro pabedaan dukuangan,” kato Mak Pono.
“Apo ka awak tinggaan se calon nan awak dukuang kapatang?” Tanyo Tacin.
“Buliah sajo awak tatap jo dukuangan samulo Cin, tapi nan pamarentah labiah paralu pulo awak dukuang. Bisuak kalau baliau mancalonkan diri baliak, yo awak dukuang lo liak. Ijankan awak, tim sukses atau bahkan mungkin Prabowo tu bana pasti sato lo mandukuang pamarentah. Nah, tantu sajo nan ka awak dukuang tu tantu program jo karajo pamarentah nan positif. Kalau karajo jo programnyo maabih nagari ko, harus basamo-samo lo awak malawan,” kecek Tan Baro.
“Kalau bantuak itu teorinyo, den sato mandukuang pamarentah Tan. Tadinyo den iyo batahan jo piliahan partamo, tapi sasudah mandanga kato Tan Baro tadi, bialah basamo-samo awak dukuang pamarentah baru. Sia laki amak awak, itulah apak awak. Tapi saandainyo kalua dari garih nan lah ado, basamo-samo pulo awak malawannyo,” kato Inyiak Kurai.
0 Comments